Qytaıdyń ońtústiginde «qus tumaýy» órship tur
BEIJІŃ. 19 jeltoqsan. QazAqparat - Gýandýn provıntsııasynda (Ońtústik Qytaı) osy aıda H7N9 qus tumaýyn juqtyrǵan besinshi adam tirkeldi, dep habarlaıdy «Sınhýa» agenttigi.
Besinshi bolyp tirkelgen 62 jastaǵy er adamnyń jaǵdaıyn dárigerler nashar deıdi.
Jergilikti bılik «qus tumaýy» órshigen mekenderde aldyn alý is-sharalaryn júrgizý jáne naýqastarǵa járdem kórsetý úshin ınspektsııalyq toptardy jiberý týraly sheshim qabyldady.
Jalpy alǵanda, Ońtústik Qytaıda, Sıangan (Gonkong) arnaıy ákimshilik aýdanyn qosa alǵanda, qus tumaýymen aýyrǵan jetinshi adam tirkelip otyr.
Eske sala keteıik, Gonkongta H7N9 vırýsyn juqtyrǵan alǵashqy adam 2 jeltoqsanda anyqtaldy. Indonezııadan jumysqa jaldanyp kelgen áıel bul aýrýdy qurlyqtyq Qytaıdaǵy (Gýandýn provıntsııasynda) qus bazarynan juqtyrǵan bolatyn.
