Qytaıdyń ońtústiginde elektr stantsııasy qulap, 9 adam qaza boldy
ASTANA. QazAqparat - Qytaıdyń ońtústiginde ornalasqan Gýanchjoý qalasynyń Tsýnhýa okrýginde jańa salynyp jatqan jylý elektr stantsııasy qulady. Bul týraly «Sınhýa» agenttigine silteme jasap Lenta.ru habarlaıdy.
Oqıǵanyń saldarynan 9 adam qurban bolyp, taǵy eki adam zardap shekti. Qazirgi tańda onda qutqarý jumystary júrip jatyr. Qırandylardyń astynda qalǵan adamdardyń naqty sany belgisiz.
Oqıǵanyń mán-jaıy anyqtalýda.
24 qarasha kúni jergilikti ýaqyt boıynsha saǵat 07-00-der shamasynda eldiń shyǵysynda ornalasqan Tszıansı provıntsııasynda qurylysy júrip jatqan elektr stantsııasynyń salqyndatqysh munarasy qulady. Sonyń saldarynan 74 adam qurban bolyp, taǵy eki qurylysshy jaraqat aldy.
