Qytaıdyń ońtústiginde eki kún ishinde 18-shi jarylys boldy
ASTANA. QazAqparat - Qytaılyq bılik Qytaıdyń Gýansı-Chjýan avtonomdy ólkesinde bolǵan jarylysty tergep jatyr. Bir kún buryn sálemdemelerge salynǵan bombalar jarylǵan.
Jarylys Lıýchjoý okrýginde alty qabatty turǵyn úıde jergilikti ýaqytpen tańǵy saǵat 8 oryn aldy, dep habarlady Bı-Bı-Sı.
Memlekettik BAQ habarlaǵandaı, qıraǵan ǵımarattyń bólshekteri jarylystyń qýattylyǵynan jolǵa shashylǵan. Jarylys sebebi ázirge belgisiz, japa shekkender týraly habar túspedi.
Bir kún buryn Lıýchjoýda 17 jarylys oryn aldy. Saldarynan jeti adam qaza tapty. Onda jarylysqa jergilikti aýrýhana, qalalyq bazarlar, saýda ortalyǵy, avtobýs stansasy jáne birneshe úkimettik mekeme, sonyń ishinde túrme jáne sheneýnikterge arnalǵan jataqhana ilikti.
Polıtsııa bombasy bar sálemdemelerdi taratty jáne jarylystarǵa qatysy bar degen kúdikpen bir adamdy ustady.
QHR qoǵamdyq qaýipsizdigi mınıstrligi habarlaǵandaı, jarylystar týraly is qylmystyq retinde tergelip jatyr. Kúdikti lańkestik jasady dep aıyptalyp otyrǵan joq.
Eki kúngi jarylystardyń baılanysy bar ne joǵy belgisiz.
Jergilikti poshta qyzmeti senbi kúnine deıin barlyq zatty jiberýdi toqtatty.
