Qytaıdyń ońtústiginde bir úıdiń kireberisi astynan dınazavr qańqasy tabyldy (FOTO)
ASTANA. QazAqparat - Qytaıdyń ońtústiginde Gýandýn provıntsııasyndaǵy aýyldardyń birinde úıdiń kireberisi astynan jaqsy saqtalǵan dınozavr súıegi men 213 jumyrtqa tabyldy, dep jazady The South China Morning Post.
Jergilikti BAQ habarlaǵandaı, dınazavr súıegi shildeniń aıaǵynda tabylǵan. Kópke deıin habarlanbaǵan sebebi turǵyndar ózderi qazba jumystarymen aınalysqan bolýy kerek.
Polıtsııa qundy jádigerlerdiń budan kóbirek bolǵanyn joqqa shyǵarmaıdy, olardy turǵyndar kádesyı retinde bóliskenge uqsaıdy.
Dınozavrdyń uzyndyǵy eki metrge jetetin bolǵan. Ol bor dáýirinde, 65 mln jyl buryn tirshilik etken, shópqorekti.
