Qytaıdyń ónerkásibi jylyna 20 kóldi «taýysady» eken
ASTANA. Qarashanyń 3-i. QazAqparat - Ónerkásipte aıamaı paıdalanýdyń saldarynan Qytaıda jyl saıyn 20 kól sýalady eken, nátıjesinde sońǵy jarty ǵasyrda Aspanasty eli myńdaǵan tabıǵı toǵandarynan aırylǵan, dep jazdy seısenbi kúni "Global Taıms" basylymy ekologtarǵa silteme jasap.
Sońǵy 50 jylda el boıynsha kólderdiń aýdany 9,5 myń sharshy metrge qysqaryp, olardaǵy sýdyń qory 50 mıllıardtan astam tekshemetrge tómendep ketti, deıdi Nankındegi qorshaǵan ortany qorǵaý problemalary ınstıtýtynyń qyzmetkeri Chjan ıÝnchýn basylymǵa bergen suhbatynda,
Búginde Qytaıda 2,3 myńdaı kól bar jáne olardyń árqaısysynyń aýdany 1 sharshy shaqyrymnan asady. Eger sýalý qarqyny qazirgi deńgeıde saqtalatyn bolsa, Qytaı 100 jyldan keıin kól-toǵansyz qalýy yqtımal, dep jazady basylym.
Mamandar ekologııanyń bul salasyndaǵy negizgi problemalarǵa: sýdy shamadan tys tutyný, egistikter úshin sý toǵandaryn jasandy jolmen qurǵatý, sondaı-aq ózenderdiń jaǵasyndaǵy ormandardy kesýdiń saldarynan sýlardyń taıazdanýy sııaqty sebepterdi jatqyzýda.
