Qytaıdyń munaıhımııa zaýytynda jarylys boldy
ASTANA. QazAqparat - Qytaıdyń shyǵysyndaǵy (Shandýn provıntsııasy) munaı-hımııa zaýytynda dúısenbi kúni tań ata bolǵan jarylystan 1 adam mert boldy. 7 adam iz-túzsiz joǵalyp, 6 adam dene jaraqatyn aldy, dep habarlaıdy Sınhýa.
Jarylys saǵat 01-00-de bolyp, Lını qalasyndaǵy Lıngan ekonomıkalyq damý aımaǵyndaǵy «Tszınıýı» munaıhımııa kompanııasynyń júk túsirý jáne salý alańynda órt tutanýyna sebepshi boldy.
Apat bolǵan kezde kompanııada uıymnyń 40 qyzmetkeri men bir júrgizýshi bolǵan. Osy ýaqytta olardyń 34-imen baılanys ornady, 7 adam iz-túzsiz ketkenderdiń qatarynda. Zaýyttyń jaýapty qyzmetkerleri tutqyndaldy. Osy kezde rezervýar parki men júk túsirý men salý alańynda áli órt bolyp jatyr. Órtti sóndirý boıynsha qarqyndy jumystar júrgizilip jatyr.
