Qytaıdyń monopolııaǵa qarsy retteýshisi Alibaba Group kompanııasyna qatysty tergeýdi bastady

BEIJІŃ. QazAqparat – QHR naryqty retteý jónindegi memlekettik basqarmasy elektrondyq kommertsııa alyby Alibaba Group-qa qatysty monopolııaǵa qarsy tergeý protsedýrasyn bastap ketti, dep habarlaıdy QazAqparat vedomstvonyń málimdemesine silteme jasap.

«Zańǵa sáıkes, Alibaba Group-qa qatysty monopolıstik áreketterge kúdik boıynsha tergeý bastaldy», – delingen memlekettik basqarmanyń naryqty retteý jaıly málimdemesinde.

Alibaba Group satýshylardy «ekeýdiń bireýin tańdaýǵa» májbúrlegen, ıaǵnı tek olarmen ǵana jumys istep, saýda alybynyń básekelesterimen jumysty toqtatqan.

Alibaba Group beısenbide habarlama alǵanyn jáne retteýshilerdiń tergeýine belsendilik tanytyp kómektesetinin rastady. Alibaba Group kompanııasynyń Gonkong qor bırjasyndaǵy aktsııalarynyń baǵasy 8,1%-ǵa tómendedi.

Esterińizge sala keteıik, Alibaba Group Qytaıdaǵy eń iri elektrondyq kommertsııa platformalaryn, sonyń ishinde Taobao-ny basqarady.