Qytaıdyń mashına jasaý zaýytynda jarylys bolyp, 17 adam qaza tapty
ASTANA. QazAqparat - Gýandýn provıntsııasynyń Foshan qalalyq okrýginde ornalasqan mashına jasaý zaýytynda jarylys boldy.
Jergilikti BAQ-tyń habarlaýynsha, oqıǵa saldarynan kem degende 17 adam qaza taýyp, 20 adam aýyr jaraqattarmen aýrýhanaǵa jatqyzylǵan.
Kýágerlerdiń aıtýynsha, kásiporyn aýmaǵynda birinen soń biri úsh qatty dybys shyǵyp, odan keıin qalyń tútin shyqty. Fabrıka tsehtarynyń biriniń shatyry qulady. Zardap shekkender týraly ázirshe habarlanǵan joq.
Oqıǵa ornyna polıtseıler men medıtsınalyq qyzmetkerler kelip jetti. Qazirgi ýaqytta bolǵan oqıǵanyń sebepteri anyqtalý ústinde.
