Qytaıdyń Lıanıýngan qalasynda iri porttyń qurylysy bastaldy
ASTANA. 20 jeltoqsan. QazAqparat - Qytaıda Eýropa men Azııany jalǵaıtyn jańa kóliktik dálizdiń mańyzdy bólshegi bolyp tabylatyn Lıanıýngandaǵy tereń sýly Sıýıveı portynyń qurylysy bastaldy. Bul týraly ITAR-TASS agenttigi habarlady.
Atalmysh kólik dálizi Ortalyq Azııa elderi arqyly ótip, Aýǵanstan men Iran elderin basyp Eýropaǵa deıin sozylady.
Port qurylysy ınvestıtsııalyq jobasynyń jalpy quny 3 mlrd. dollar. Teńiz kemejaıy 2020 jyly 200 mln. tonna júk qabyldap, sý yǵystyrymy 300 myń tonnaǵa deıin kemelerdi qabyldaıtyn bolady. Onda 74 sharshy shaqyrymdyq úlken kóliktik-logıstıkalyq torap paıda bolady. Port qurylysy QHR Tóraǵasy Sı Tszınpınmen qyrkúıekte bastama retinde kóterilgen «Jibek Jolynyń ekonomıkalyq beldeýi» baǵdarlamasy aıasynda júrgizilmek.
«Sıýıveı» porty transkontınentaldi kóliktik dálizdiń bastapqy núktesi bolady dep josparlanýda. Atalmysh dáliz qytaılyq Sıan men Úrimshi qalalary arqyly, Qazaqstannyń Dostyq qalasymen Reseı jáne Belarýs elderin basyp ótedi. Qytaı tarapynyń jospary boıynsha, temir jol ınfraqurylymynyń damýy negizinde dáliz Ortalyq Azııa elderiniń birqatar qalalaryn, Iran jáne Aýǵanstan elderin de jalǵaıtyn bolady.
Aıta keteıik, bunyń aldynda Elbasy N.Nazarbaev Qazaqstan Qytaıdyń Lıanıýngan portynda jańa ınfraqurylymdyq jobalar qurylysyna qatysatyndyǵyn jáne atalmysh portta qazaqstandyq termınaldyń qurylysyn júrgizetindigin habarlaǵan bolatyn.
