Qytaıdyń qorǵanysqa jumsaıtyn qarajaty álemniń jetekshi elderinen tómen be?
ASTANA. QazAqparat - Qytaıdyń qorǵanys salasyna bólip otyrǵan qarajaty álemdegi jetekshi elderge qaraǵanda tómen. Bul týraly jeksenbi kúni Búkilqytaılyq halyq ókilderi jınalysynyń 13-shi shaqyrylymy 1-shi sessııasynyń resmı ókili Chjan Esýı baspasóz máslıhatynda málim etti, dep habarlaıdy QazAqparat Sınhýaǵa silteme jasap.
Onyń aıtýynsha, Qytaıdyń ulttyq bıýdjettik shyǵyndary men JІÓ-degi qorǵanys bıýdjetiniń úlesi álemdegi basqa da aldyńǵy qatarly elderden tómen. Eldiń jan basyna shaqqandaǵy áskerı shyǵyndary da basqa jetekshi eldermen salystyrǵanda az.
Chjan Esýı atap ótkendeı, Qytaıdyń arttyrylǵan qorǵanys bıýdjetiniń aýqymdy bóligi qorǵanys salasyna ótken jyldary jetkiliksiz quıylǵan qarajattyń ornyn toltyrý úshin baǵyttalǵan. Máselen, qarajattar negizinen jabdyqtardy jańǵyrtýǵa, áskerı qyzmetshilerdiń ál-aýqatyn jaqsartýǵa, sondaı-aq jergilikti áskerlerdiń ómir súrýi men bilim alýyna baǵyttalǵan.
«Qytaı beıbitshilikti maqsattaǵy damýdy ustanýdy jalǵastyratyn bolady. QHR-dyń qorǵanys saıasaty qorǵaný sıpatyna ıe, Qytaıdyń damýy basqa eshbir elge qaýip tóndirmeıdi», - dedi ol.
Foto: people.com.cn
