Qytaıdyń qor naryǵyndaǵy baǵa quldyrady
Shanghai Composite 9%-ǵa tómendedi. Shenchjendegi komponentter ındeksi de birden 9%-ǵa qulady. Kórsetkishter, kem degende, 7%-ǵa tómendedi.
Shanhaı men Shenchjendegi qor bırjalary 24 qańtardan bastap qytaıdyń Jańa jylyn toılaý kezinde jabylǵan bolatyn. Osy kezde jarııa etilgen málimetke sáıkes 14 300 adam ınfektsııa aýrý juqtyrdy, olardyń kópshiligi Qytaıda turady.
Bırja ashylar kezde Qytaı turaqtylyqty saqtap qalý úshin naryǵyna mıllıardtaǵan aqsha quıatynyn jetkizdi. Jeksenbi kúni Qytaı Ulttyq banki bankterdiń nesıe berýge qabilettiligin nyǵaıtý úshin qysqamerzimdi oblıgatsııany satyp alý qaǵıdatyn paıdalanyp, qytaı naryǵyna 1,2 trıllıon ıýan (173 mıllıard dollar) baǵyttaıtyn jetkizdi. Bul shara bank júıesindegi «joǵary ótimdilikti» jáne valıýta naryǵynyń turaqtylyǵyn baqylaýǵa kómektesedi.
Naryqqa baǵyttalǵan ótimdiliktiń naqty mólsheri odan tómenirek bolady. Reuters dúısenbi kúni Ortalyq bank málimetterin negizge alyp, basqa qysqamerzimdi oblıgatsııalyq kelisimderdi óteý merzimi 1 trıllıon ıýannan asatynyn aıtty. Bul aqsha aınalymynyń taza somasy 150 mlrd ıýanǵa (22 mlrd dollar) tómendegenin kórsetedi.
Ortalyq bank basshysynyń orynbasary Pan Gýnshen, jaǵdaıdy turaqty ustap turýǵa qandaı sharalar qajet ekendigin anyqtaý úshin Ortalyq bank qarjy mekemeleri jáne naryqtarmen baılanysta bolatynyn jetkizdi.
Qytaıdyń qarjy retteýshisi qarjylyq turaqtylyqty saqtap qalý men ekonomıkaǵa kómek kórsetý úshin basqa da on shaqty sharany atap ótti. Retteýshi qarjylyq qyzmetterdi jeke tulǵalar men kompanııalarǵa kóbirek usynatynyn málimdedi.
Azııanyń basqa elderindegi bırjalar dúısenbi kúni baǵa quldyraýymen ashyldy. Japonııalyq Nikkei 225 (N225) 1,5%-ǵa qulady. Aıta keterligi, elde koronavırýs juqtyrǵan 20 adam tirkelgen.
Ońtústikkoreıalyq Kospi 1,6%-ǵa tómendedi. Bul elde jańa koronavırýs juqtyrǵandar sany 15-ke jetti.
