Qytaıdyń kómir shahtasynda 18 kenshi qaza tapty

BEIJІŃ. QazAqparat – Qytaıdyń ońtústik-batysyndaǵy Chýntsın qalasynyń kómir shahtalarynyń birinde 18 adam kómirtek monoksıdimen ýlanyp qaza tapty, dep habarlaıdy QazAqparat menshikti tilshisi Sınhýa agenttigine silteme jasap.

Іzdestirý-qutqarý operatsııasy shtabynyń málimetinshe, Chýntsın qalasyndaǵy Dıaoshýıdýn shahtasynda kómirtegi monoksıdiniń shamadan tys deńgeıinen 18 adam kóz jumǵan.

Bir shahter qutqaryldy. Іzdestirý-qutqarý jumystary áli de jalǵasýda.

Eske sala ketsek, juma kúni keshke Chýntsın qalasyndaǵy Dıaoshýıdýn kómir shahtasyndaǵy apat saldarynan 24 shahter jer astynda qalǵan bolatyn.

Avtory Rýslan Súleımenov