Qytaıdyń ishki jalpy ónimi 2022 jyly 18 trln dollarǵa jetti

BEIJІŃ. QazAqparat – 2022 jyly Qytaıdyń ishki jalpy ónimi (ІJÓ) 121,02 trln ıýange (ortasha jyldyq aıyrbas kýrsymen eseptegende shamamen $18 trln) jetip, jyl ishinde 3%-ǵa artty. Bul týraly QHR Memlekettik statıstıkalyq basqarmasynyń (MSB) baıandamasynda aıtylǵan, dep habarlaıdy QazAqparat tilshisi.

«Aldyn ala derekter boıynsha, 2022 jyly ІJÓ 121,021 trln ıýange jetip, aldyńǵy jylmen salystyrǵanda 3%-ǵa artty», - delingen MSB habarlamasynda.

Mekeme málimeti boıynsha, Qytaı turǵyndarynyń sany 2022 jyldyń qorytyndysy boıynsha 850 myń adamǵa azaıyp, 1 411 mlrd boldy. Qala turǵyndarynyń sany 920,7 mln bolsa, aýylda 491 mln turǵyn bar.

2022 jyly astyq óndirisiniń jalpy kólemi 686,53 mln tonna boldy.

5 naýryz kúni Beıjińde jyl saıynǵy Jalpyqytaılyq halyq ókilderi jıynynyń (JHÓJ, parlament) sessııasy ashylady. Onyń aıasynda byltyrǵy jyldyń qorytyndysy jasalyp, 2023 jylǵa arnalǵan QHR áleýmettik-ekonomıkalyq damý josparyn bekitedi.