Qytaıdyń ishki aýdandarynda A/H1N1 tumaýynyń 118 aýyr oqıǵasy tirkeldi
BEIJІŃ. Qarashanyń 4-i. QazAqparat /Rýslan Súleımenov/ - Qytaıdyń Densaýlyq saqtaý mınıstrliginiń qarashanyń 2-degi málimetteri boıynsha, eldiń ishki aýdandarynda (Sıangan, Aomen jáne Taıvannan basqa jerlerde) A/H1N1 tumaýynyń 48 myń 748 oqıǵasy tirkelgen, onyń ishinde 118 oqıǵa - aýyr formada ótse, 7 oqıǵa kisi ólimimen aıaqtaldy.
Densaýlyq saqtaý mınıstri Chen Chjýdyń aıtýynsha, «A/H1N1 tumaýynyń taralý qarqynyn tómendetýge jáne aýrýdyń aýyr formalary men kisi ólimimen aıaqtalý faktileriniń táýekelderin azaıtýǵa tyrysý kerek». Chen Chjý sondaı-aq Qytaıda jańa tumaýmen aýyrý maýsymynyń jedel jáne turaqty ósý kezeńi paıymdalǵannan erte kelgeni týraly mamandardyń pikirlerin keltirdi. Mamandardyń sózderine qaraǵanda, tumaý maýsymy 2010 jyldyń naýryz aıynan erte aıaqtalmaıdy.
