Qytaıdyń iri áýe tasymaldaýshysy «Erbas» kontserniniń 36 ushaǵyn satyp alatyny týraly málimdedi
ASTANA. 4 qarasha. QazAqparat - «Ońtústikqytaı áýe jelileri» Frantsııadaǵy «Erbas» eýropa kontserninen 36 ushaq satyp alý týraly kelisimge qol jetkizilgeni týraly málimdedi,
dep habarlaıdy ITAR-TASS.
Olardyń qatarynda Qytaıǵa 2012-2015 jyldary jetkizilýi tıis 30 A-320 ushaǵy men A-330 6 áýe kemesi bar. Sońǵylardy jetkizý merzimi - 2013 jyldan 2014 jylǵa deıingi aralyq. Qytaı kompanııasy bul týraly Qytaı Halyq Respýblıkasynyń tóraǵasy Hý Tszıntaonyń Frantsııaǵa sapary kezinde aıtty. Aldyn ala aqparat boıynsha, kezdesý barysynda eki eldiń azamattyq avıatsııa salasyndaǵy yntymaqtastyǵy talqyǵa salynady.
Qazan aıynyń sońynda Qytaı ushaq parkin 2015 jyldyń aıaǵyna deıin tolyqtaı jańartatyny týraly resmı málimdegen edi. Qazirgi kúni munda júk jáne jolaýshylar tasymaldaıtyn 2,6 myń ushaq bar. 12-shi besjyldyqtyń (2011-2015 jyldar) aıaǵyna deıin ushaqtar sany 4,8-5 myń birlikke deıin kóbeıtiledi.
