Qytaıdyń Hýnan provıntsııasynda sý tasqyny saldarynan 110 myń adam qaýipsiz jerge kóshirildi
ASTANA. QazAqparat - Sońǵy kúnderi Shyǵys, Ortalyq jáne Ońtústik Qytaıdyń basym bóliginde kúshti nóser jaýdy, jaýyn-shashyn mólsheri, meteorologtardyń aıtýynsha, birqatar aýdandarda normadan 3-4 esege asyp túsken, dep jazady TASS.
Hýnan provıntsııasynda (Ortalyq Qytaı), ortalyq qytaı televıdenıesi habarlaǵandaı, jaýyn-shashynnan oryn alǵan sý tasqyny saldarynan 110 myńǵa jýyq adam qaýipsiz jerge kóshirildi. Jeksenbidegi derekterge sáıkes provıntsııada 181 úı qırap, 92 eldi mekendi sý basqan. Sınoptıkter jaýyn-shashyn apta sońyna deıin jalǵasady dep boljaýda.
