Qytaıdyń Heılýntszıan provıntsııasynda bir otbasyǵa úsh bala týýǵa ruqsat berdi
ASTANA. QazAqparat - Reseımen shekaralas soltústik-shyǵys qytaılyq Heılýntszıan provıntsııasy halqynyń bir bóligine ár otbasyǵa úsh balaǵa deıin týýǵa ruqsat berdi. Juma kúni Sina portaly habarlaǵandaı, tıisti sheshim provıntsııanyń Halyq ókilderi jınalysy turaqty komıtetiniń 25-shi otyrysynda qabyldandy.
2015 jyldyń sońyna deıin keıbir ereksheliktermen álemniń eń halqy kóp elinde «bir otbasy - bir bala» qaǵıdasy áreket etti. Qazirgi ýaqytta QHR-da bir otbasynda eki bala týýǵa ruqsat bar, dep habarlady TASS.
Heılýntszıan qaýlysynda úsh bala týýǵa ruqsat birqatar shekaralas eldi mekenderdiń turǵyndaryna qoldanylady, olardyń ishinde Mohe, Heıhe, Týntszıan, Hýlın, Tszıdýn bar.
Heılýntszıan provıntsııasynda buryn qabyldanǵan bala týý týraly erejege sáıkes úsh bala týýǵa shetelden oralǵan qytaı emıgranttaryna jáne Gonkong, Makao jáne Taıvan tólqujattary bar otbasylarǵa ruqsat etilgen.
