Qytaıdyń Hebeı aımaǵynda nóserge baılanysty 1,2 mln astam adam evakýatsııalandy
ShITsZıAChJÝAN. QazAqparat – Qytaıdyń soltústigindegi Hebeı provıntsııasynda keıingi birneshe kúnde tolassyz jaýǵan jańbyr saldarynan 1,2 mıllıonnan astam adam evakýatsııalandy, dep habarlaıdy QazAqparat «Sınhýa» agenttigine silteme jasap.
Qaýipsiz jerge kóshirilgenderdiń 857,2 myńy – tasqyn sýlaryn jınaý jáne saqtaý oryndary bar aýmaqtardyń turǵyndary.
«Doksýrı» taıfýny ákelgen nóser jaýyn 27 shildeden beri Hebeı provıntsııasynyń kóp bóliginde quıyp ótti. Mundaǵy jaýyn-shashynnyń ortasha mólsheri 146 mm asty.
Osy ýaqytqa deıin provıntsııada qutqarý operatsııalaryna, sý tasqynyna qarsy is-sharalarǵa jáne tabıǵı apattyń saldaryn joıý jumystaryna kómek kórsetý úshin 100 myńnan astam adamnan turatyn 4 700-den artyq top jumyldyryldy.
