Qytaıdyń Gýanchjoý qalasynda 16-shy Azııa oıyndaryndaǵy boks týrnıriniń ekinshi kúninde jerlesterimiz eki jeńiske qol jetkizdi
ASTANA. 18 qarasha. QazAqparat - Gýanchjoý qalasynda 16-shy jazǵy Azııa oıyndary ótip jatyr. Elimizdiń 13 sportshysy osy oıyndarda bokstan synǵa túsedi,
dep habarlaıdy Qazaqstan boks federatsııasynyń baspasóz qyzmeti.
Sportshylarymyz alǵashqy jekpe-jekterin ótkizdi. 16 qarasha kúni jeńil salmaqtaǵy Qazaqstan chempıony Mıras Jaqypov ońtústikkoreıalyq sportshy Kım Jýsongýdan (Kim Juseong) jeńilip, saıystan shyǵyp qaldy.
Ekinshi kúni Katar sportshysy Hzam Nabahpen básekede Serik Sápıev 7:1 esebimen jeńiske jetti. Endi bizdiń quramanyń kapıtany S. Sápıev nepaldyq Bahadýr Tamang Rathany jeńgen malaızııalyq sportshy Haron Mohdpen shırek fınalǵan beriletin joldama úshin talasady.
75 kelige deıingi salmaqta ótken jarysta elimizdiń taǵy bir bylǵary qolǵap sheberi Danabek Sýjanov palestınalyq sportshy Sobhı Sýkkarıdi jeńdi. Tóreshiler Sýjanovtyń basym túskendigin aıtyp, jekpe-jekti merziminen buryn toqtatty. Endi ol jartylaı fınalǵa joldama úshin qyrǵyz boksshysy Asadýllo Baımuratovpen alańǵa shyǵady.
Boks týrnıriniń ekinshi kúngi básekesinde respýblıkamyzdyń 2010 jylǵy chempıony Almat Serimov ózbek sportshysy , Mılanda ótken sońǵy álem chempıonatynyń kúmis júldegeri, 2007 jylǵy álem chempıony Elshad Rasýlovtan 2:5 esebimen jeńilip qaldy.
18 qarasha kúni:
60 keli salmaqta - Samat Bashenov (Qostanaı) Iordanııa sportshysymen
64 keli salmaqta - Danııar Eleýsinov (Astana)- Aýǵanstan sportshysymen
91 keli salmaqta - Vasılıı Levıt (Astana) - Sırıa sportshysymen
91 keliden joǵarǵy salmaqta - Ivan Dychko (Qostanaı) - Ózbekstan sportshysymen kezdesedi.
20 qarasha kúni 49 keli salmaqta Birjan Jaqypov (OQO) Mońǵolııa boksshysymen kezdesedi.
Jazǵy Azııa oıyndaryna qatysyp jatqan bokstan Qazaqstan ulttyq áıelder quramasynyń juptyq tizimi mynadaı:
21 qarasha kúni:
51 keli salmaqta - 2010 jylǵy Azııa chempıony Jaına Shekerbekova Fılıppın sportshysymen,
60 keli salmaqta - 2010 jylǵy Azııa chempıony Saıda Hasenova Tájikstan sportshysymen kezdesedi.
22 qarasha kúni 75 keli salmaqta Barbadossede ótken 2010 jylǵy álem chempıonatynyń kúmis júldegeri Marına Volnova Úndistan boksshysymen kezdesedi.
