Qytaıdyń ǵaryshkerler jasaǵynda áıelder paıda boldy
ASTANA. Mamyrdyń 12-si. QazAqparat - Qytaı ǵarysh salasynyń ókilderi búgin jeti jańa qytaılyq ǵaryshkerlerdiń (taıkýnavtar) tizimin jarııalady, dep habarlady Sınhýa aqparattyq agenttigi.
Qytaı ǵarysh salasy tarıhynda tuńǵysh ret tizimge eki áıel engizildi. Ázirge jeti úmitkerdiń esimderi atalǵan joq, olardy jattyǵý kezeńinde jarııalaý josparlanyp otyr. Degenmen sheneýnikterdiń aıtýynsha, barlyq ǵaryshker 30 ben 35 jastyń aralyǵynda, olardyń báriniń de otbasy jáne joǵary ýnıversıtettik bilimderi bar. Sondaı-aq bes er adam QHR halyq-azattyq armııasynyń áskerı ushaqtarynyń ushqyshy bolǵan. Olardyń árqaısysynyń ortasha 1270 saǵattan ushý tájirıbeleri bar.
