Qytaıdyń ǵarysh kemesi ushýǵa daıyndalyp jatyr
BEIJІŃ. QazAqparat – Ekıpajy úsh taıkonavtan (Qytaıda ǵaryshkerlerdi osylaı ataıdy) turatyn «Shenchjoý-14» basqarylatyn ǵarysh kemesi QHR-dyń orbıta stantsııasyna attanady, ol qazir ushyrylymǵa daıyndalyp jatyr. Bul týraly basqarylatyn ǵaryshqa ushý baǵdarlamasynyń Qytaı basqarmasy málim etti, dep habarlaıdy QazAqparattyń menshikti tilshisi.
Habarlamaǵa sáıkes, jeksenbide «Shenchjoý-14» ǵarysh kemesi jáne «Chanjen-2F» («Uly joryq») zymyrantasymaldaǵyshy ushyrý alańyna ornatylǵan.
«Shenchjoý-14» kemesimen birge zymyrantasyǵysh ushyrylatyn «Tszıýtsıýan» ǵarysh aılaǵynyń (Gansý provıntsııasy, Soltústik-Batys Qytaı) qyzmet kórsetý quraldary men jerústi jabdyqtary shtattyq rejımde jumys isteıdi.
Ushyrylym aldynda aldyn ala tekserý josparlanyp otyr.
Orbıtalyq stantsııaǵa úsh taıkonavty jetkizetin «Shenchjoý-14» ǵarysh kemesi maýsym aıynda ushyrylady dep kútilýde.
Qytaılyq astronavtar Qytaıdyń «Tıangýn» (aspan saraıy) birinshi ǵarysh stantsııasyn iske qosý jumysyn jalǵastyrady jáne alty aı orbıtada bolady.
