Qytaıdyń eń baı blogeri óz tabysyn jaıyp saldy
ASTANA. QazAqparat - Kóp saǵatty tikeleı efırge shyǵýǵa mamandanǵan Qytaıdyń eń baı blogeri Lele Tao (Lele Tao) ortasha alǵanda jylyna 448 myń dollar tabys tabatynyn aıtty. Bul týraly Lenta.rý habarlady.
Basylym atap ótkendeı, boıjetken eldegi eń kóp aqy tólenetin blogerleriniń biri sanalady. 24 jastaǵy ınternet-juldyzy birneshe saǵat boıy kameranyń aldynda otyryp, jazylýshylarynyń aldynda án aıtyp, bı bıleıdi. Onyń aıtýynsha, ol tikeleı efırge úsh saǵat boıy daıyndalady, al translıatsııa toǵyz saǵatqa deıin sozylady. Tao óziniń mıllıondaǵan aýdıtorııasynyń aldynda makııajsyz shyqpaǵan kórinedi, sebebi basqa da bloger-qyzdar tarapynan báseke joǵary.
«Men basqalardyń menen ádemi jáne menen artyq ekenin bilemin, sondyqtan aýdıtorııany jınaý úshin kóp jumys isteýim kerek», - dep atap ótti qytaılyq boıjetken.
Boıjetken ınternet-aýdıtorııanyń aldynda 18 jasynan bastap shyǵýda. Ol agenttikpen yntymaqtasyp jumys jasaıdy, sondyqtan seriktesteriniń kóptegen talaptaryn oryndaýǵa májbúr. Sondaı-aq onyń tabysynyń bir bóligin agenttik alyp otyrady.
