Qytaıdyń eń baı adamy ámbebap dúkender jelisin ashpaq
ASTANA. 2 naýryz. QazAqparat - Ótken jyly Forbes jýrnaly dáýletin 8 mıllıard dollarǵa baǵalaǵan Qytaıdyń eń baı adamy Tszýn Tsınhoý óz bıznesin keńeıtip, ámbebap dúkender jelisin ashpaq. Bul týraly Bloomberg habarlady.
Tszýn Tsınhoýdyń aıtýynsha, ol qazir jergilikti ókimet oryndarymen ámbebap dúkenderge jer telimderin bólý jóninde kelissózder júrgizip jatyr. Kásipker jańa saýda oryndarynyń sany júzden kem bolmaıdy dep sanaıdy.
Mıllıarder alkogolsiz sýsyndar shyǵaratyn Qytaıdaǵy úshinshi Hangzhou Wahaha Group Co. kompanııasy dırektorlar keńesiniń tóraǵasy. Kompanııa 1987 jyly ashylǵan, al 1996 jyly Danone korporatsııasymen birge birlesken kásiporyn qurdy.
2011 jyly Hangzhou Wahaha Group kompanııasynyń satý kólemi 27 paıyzǵa artyp, 70 mıllıard ıýandi (10,7 mlrd. dollarǵa jýyq) quramaq. Ámbebap dúkender jelisin ashý bul kórsetkishti júz mıllıard ıýanǵa deıin jetkizetin bolady.
