Qytaıdyń damý modeli «eksporttalmaıdy» - Sı Tszınpın
ASTANA. QazAqparat - Qytaı damýdyń sheteldik modelin «ımporttamaıdy», jeke modelin «eksporttamaıdy» jáne basqa elderden qytaı tájirıbesin «kóshirýdi» talap etpeıdi. Bul týraly QHR tóraǵasy Sı Tszınpın aıtty, dep habarlaıdy Sınhýa .
Mundaı pikirdi Qytaı Kommýnıstik partııasynyń (QKP) Ortalyq komıtetiniń bas hatshysy Sı Tszınpın Beıjińde ótken QKP men álemniń saıası partııalary arasyndaǵy dıalogtyń ashylýynda bildirdi.
Sı Tszınpınniń aıtýyna qaraǵanda, QKP qytaı halqynyń ál-aýqatyn kóterý, jalpy adamzattyń órkendeýi baǵyttarynda jumys isteýdi maqsat etedi.
Sondaı-aq, álemdegi iri saıası partııalardyń biri bolyp sanalatyn QKP adamzattyń áleýmettik damý modelin zerttep jáne ony basqa álem elderimen bólispek.
