Qytaıdyń Chendý qalasynda XXHI Dúnıejúzilik jazǵy Ýnıversıada bastaldy

BEIJІŃ-ChENDÝ. QazAqparat – Qytaıdyń ońtústik-batysyndaǵy Sychýan provıntsııasynyń Chendý qalasynda ótip jatqan Dúnıejúzilik jazǵy Ýnıversıada ashyq dep jarııalandy, dep habarlaıdy QazAqparat tilshisi. Saltanatty ashylý rásimi juma kúni keshke Qytaıdyń Chendý qalasyndaǵy sport stadıonynda ótti.

Qytaı tóraǵasy Sı Tszınpın Ýnıversıadanyń ashylǵanyn jarııalady. Qazaqstandyq sportshylar Chendý qalasynda ótip jatqan HHHІ Dúnıejúzilik jazǵy Ýnıversıadanyń ashylý saltanatynda delegatsııalar sherýinen ótti. Ýnıversıadada 18 sport túrinen 269 júlde jınaǵy oınalady. Qazaqstannyń 90 sportshydan turatyn stýdenttik komandasy sporttyń 10 túrine qatysady: sadaq atý, gımnastıka, jeńil atletıka, semserlesý, dzıýdo, júzý, ústel tennısi, taekvondo, oq atý, ýshý.

Qytaı úshinshi ret Dúnıejúzilik jazǵy Ýnıversıadany ótkizip jatyr, buǵan deıingi oıyndar 2001 jyly Beıjińde jáne 2011 jyly Shenchjende ótken bolatyn. 31-shi Dúnıejúzilik jazǵy Ýnıversıada 28 shilde men 8 tamyz aralyǵynda Chendý qalasynda ótedi.