Qytaıdyń Chansha qalasynda záýlim ǵımarat órtendi
BEIJІŃ. QazAqparat - Juma kúni Qytaıdyń Hýnan provıntsııasynyń Chansha qalasynda kópqabatty ǵımarattan órt shyqty, dep habarlaıdy QazAqparattyń menshikti tilshisi Qytaı ortalyq telearnasyna silteme jasap.
Órt ornynan túsirilgen vıdeoǵa qaraǵanda, órt ǵımarattyń birneshe qabatyn sharpyǵan. Ázirge qaza tapqandar men zardap shekkender týraly aqparat joq. Oqıǵa ornyna órt sóndirýshiler men basqa da tótenshe jaǵdaılar qyzmeti keldi. Jol polıtsııasy ǵımaratty qorshaýǵa aldy.
Ǵımarat 2000 jyly salynǵan jáne Chansha qalasynyń ortalyǵynda ornalasqan. Bul bıiktigi 200 metrden asatyn osy megapolıstegi alǵashqy záýlim ǵımarat.
Vıdeodan alynǵan kadr
