Qytaıdyń burynǵy vıtse-meri 12 mln. dollar kóleminde para alǵany úshin aıyptaldy
ASTANA. QazAqparat - Qytaılyq Gýanchjoýdyń Gýandýn provıntsııasynyń burynǵy vıtse-meri Tsao Tszıanlıao 80 mıllıonǵa jýyq ıýan (12 mıllıonǵa jýyq AQSh dollary) somasynda para alǵany úshin aıyptalyp otyr, dep habarlaıdy "Gýanchjoý jıbao" gazeti.
Sheneýnikke qatysty tergeý amaldary 2013 jyldyń sońynda bastalǵan. Tsao Tszıanlıao qyzmetin 2007 jyldan beri atqarǵan. Ol sot aldynda Shenchjen qalasynda jaýap berdi.
Elde sybaılas jemqorlyqqa qarsy iri kólemdegi naýqan 2012 jyly bılik basyna QHR tóraǵasy Sı Tszınpınniń kelýimen bastaldy. Qytaı jemqorlyqqa qarsy yntymaqtastyqtyń jahandyq jelisin qurýǵa talpynyp, qylmystyq isterde halyqaralyq quqyqtyq kómekke qatysty zańnamalyq aktilerdi shyǵarý máselesin qarastyrady.
Qazirgi kezde resmı Beıjiń sheteldik memlekettermen qashqyn sheneýnikterdi ekstradıtsııalaý týraly belsendi kelissózder júrgizýde.
