Qytaıdyń burynǵy sheneýnigi Bo Sılaıǵa jeksenbi kúni úkim shyǵarylmaq
ASTANA. 19 qyrkúıek. QazAqparat - Qytaıdyń burynǵy sheneýnigi Bo Sılaıǵa jeksenbi kúni úkim jarııalanady, dep habarlady Ýtro.rý.
Bul týraly Tszınan provıntsııasynyń aralyq ınstantsııadaǵy halyq sotynyń ókili málimdegen.
Qytaı sheneýnigi sybaılas jemqorlyqqa jáne ókilettigin asyra paıdalanýǵa aıyptalýda. Bo Sılaıdyń isi úderisin Qytaıda kópshiligi el basshylyǵynyń tanymal saıasatkerden qutylýdy kózdep otyrǵany dep qarastyrady.
Budan buryn qýǵyndaǵy saıasatkerdiń áıelin brıtan kásipkeri Nıl Heıvýdy óltirgeni úshin sottaǵan bolatyn. Oǵan ólim jazasy kesildi, biraq ta úkimniń oryndalýy eki jylǵa keıinge qaldyryldy.
