Qytaıdyń basym bóligin sý basty

NUR-SULTAN. QazAqparat - Qytaıdyń shyǵysy men ońtústik batysy jáne ortalyq aımaqtarynda jańbyr men sý tasqyny jalǵasyp jatyr, dep habarlaıdy 24.kz.

Tabıǵat apatyna baılanysty shyǵysta apta basynan 40 myńnan astam adam evakýatsııalandy.

Ońtústik batystaǵy Sychýan provıntsııasynda sý tasqynynan 3 adam qaıtys bolyp, 12 turǵyn iz-túzsiz joǵalyp ketti.

7 myńnan astam turǵyn qaýipsiz jerge kóshirildi.

Tolassyz jaýynnan laı kóshkini jıilep, birqatar tas joldy sý shaıyp ketken.

Al eldiń ortalyǵyndaǵy Ichan qalasynda úsh saǵat boıy jaýǵan jańbyrdan shahardy lezde sý basqan.

Tabıǵat apatynan qaza tapqandar jaıly málimet joq. Aımaqta izdestirý-qutqarý sharalary júrip jatyr. Mamandar nóser birneshe kún jalǵasatynyn eskertip otyr.