Qytaıdyń balabaqshasyndaǵy qaıǵyly oqıǵa: jeti adam qaza boldy
ASTANA. Mamyrdyń 12-si. QazAqparat - Qytaıdyń soltústik-batysyndaǵy Hanchjýn qalasyndaǵy balabaqshada er adam keminde alty búldirshindi baýyzdap, 20-ǵa tarta balany jaraqattaǵan, dep habarlady Bı-Bı-Sı.
Málimetterge qaraǵanda, barlyq bala alty jasqa deıingi búldirshinder. Sınhýa agenttiginiń málimetteri boıynsha, bir tárbıeshi óltirilgen.
Sońǵy aptalarda bul Qytaıda oryn alǵan balalar mekemesine shabýyldyń ekinshi oqıǵasy. Buǵan deıin naýryz aıynda bir er adam Fýtszıan provıntsııasyndaǵy bir mektepte segiz oqýshyny pyshaqtaǵan bolatyn, kóp uzamaı ol óltirildi.
Hanchjýn qalasynyń ókimet oryndary shabýyl jasaǵan adamnyń ózine qol jumsap ólgenin habarlady.
