Qytaıdyń Aıdy zertteýge arnalǵan apparaty Jerge alǵashqy fotosýretterdi jibere bastady
ASTANA. 16 jeltoqsan. QazAqparat - 37 jyldyń ishinde Jer serigine alǵash jetkizilgen, ıaǵnı Aı betinde júrýge arnalǵan apparat alǵashqy fotosýretterdi jibere bastady.
Qytaılyq zertteý apparaty Aıdyń betine jeksenbi tańerteń shyqty.
QHR-dyń ǵarysh agenttigi eldiń týy bekitilgen atalǵan apparat fotosýretterin tarata bastady. Týdy robot jaqyn arada Jer seriginiń betinde ornastyrýy tıis.
Saǵatyna 200 metrge deıin jyldamdyqpen júre alatyn bul apparat Aıdyń geologııalyq qurylymy men onyń qabatyn zertteýmen aınalysady. Úsh aıǵa sozylatyn zertteýden keıin «Chane-3» ǵarysh kemesi topyraq úlgilerin alyp Jerge oralady.
