Qytaıdyń attraktsıon parkinde 13 jasar qyz ajal qushty
ASTANA. QazAqparat - Qytaıdyń ońtústik-batysynda ornalasqan Chýntsın qalasyndaǵy attraktsıondar parkinde 13 jasar mert boldy, dep habarlaıdy bbc.com.
Jergilikti basylymdar onyń attraktsıonnan temir dýalǵa qulap túskenin, aýrýhanaǵa jetkizilip, qaıtys bolǵanyn jazýda.
Tergeýshilerdiń aıtýynsha, onyń qaýipsizdik belbeýi synǵan, al qorǵanys taqtaıshasy jetkilikti túrde berik bolmaǵan.
«Keńistikke sapar» attraktsıony sońǵy ret jeltoqsan aıynda ınspektsııadan ótkeni habarlanýda.
Qytaılyq BAQ oqıǵa týraly uıaly telefonǵa túsirilgen vıdeony jarııalady. Aldymen qyz óz oryndyǵyna ilinip turady, sosyn úlken ekpinmen jerge qulaıdy.
Qytaı bıligi parktegi barlyq attraktsıondy tekserý týraly sheshim qabyldap, park jumysyn ýaqytsha toqtatty.
Jergilikti BAQ-tyń habarlaýynsha, qyzdyń ata-anasy atrraktsıon parkimen 870 000 ıýan (127 tys. dollarov) ótemaqyǵa kelisimge kelgen. Qaza tapqan qyz olardyń jalǵyz balasy bolǵan.
