Qytaıdyń áleýmettik jelilerinde Býrabaı kýrorty týraly málimetter jarııalanady
KÓKShETAÝ. QazAqparat - Qytaıdan kelgen bloger-jýrnalıster Býrabaı kýrorttyq aımaǵyna saıahat jasady, dep habaraıdy QazAqparat Aqmola oblystyq ishki saıasat basqarmasyna siltememen.
Aqmola oblysynyń týrıstik aqparat ortalyǵy Chinese Friendly Kazakhstan kompanııasymen jáne «Býrabaı Damý» JShS-men birlese bloger-jýrnalısterge arnalǵan blog-týr uıymdastyrdy.
Chinese Friendly Kazakhstan kompanııasy qyzmetiniń negizgi mindetteri - Qazaqstannyń týrıstik nysandaryn QHR naryǵynda ilgeriletý, tanystyrý, nasıhattaý, syrtqy týrızmdi damytý. Osyǵan saı jýyrda Astana men Almaty qaalarynyń aýmaǵynda travel bloger-jýrnalısterdiń qatysýymen blog-týr uıymdastyryldy.
Bul týrǵa Qytaıdan tanymal 4 bloger-jýrnalıst qatysty. Olardyń oqyrmandar aýdıtorııasy shamamen 70 mıllıon adamdy quraıdy.
Blogerlerge Býrabaıdyń ásem tabıǵaty kórsetildi. Olar, sondaı-aq, qazaq halqynyń mádenıeti, salt-dástúrimen tanysty. Týrdyń alǵashqy kúni olar «Qazaqstandaǵy Laplandııa» ataýly parkin tamashalap, Jumbaqtasqa sapar shekti. Ekinshi kúngi josparǵa jańa respýblıkallyq shańǵy bazasyna jáne Abylaı han alańyna barý engen.
Jol boıynda blogerler fotoǵa túsip, ásem tabıǵattan alǵan áserlerin oqyrmandarymen bólisýge múmkindik aldy. Keıin barlyq sýretter, maqalalar olardyń áleýmettik jelidegi barlyq akkaýnttarynda jarııalanbaq.
