Qytaıdyń 700 mıllıonnan astam azamaty Kóktem merekesine oraı óz týǵan-týysqandaryna saparlap barady
BEIJІŃ. 24 qańtar. QazAqparat /Rýslan Súleımenov/ - 26 qańtardan bastap, Qytaıdyń 700 mıllıonnan astam azamaty Kóktem merekesin toılaýǵa arnalǵan «altyn aptanyń» bastalýy qarsańynda ózderiniń týǵan-týysqandaryna kirip shyǵady.
Resmı bılik ókilderi habarlaǵandaı, aı kúntizbesi boıynsha Jańa jyldy merekeleý kúnderi el aýmaǵynda qozǵalystyń qaýipsizdigin qamtamasyz etý úshin barlyq tıisti sharalar qolǵa alynady.
Qytaıdyń kóptegen aımaqtarynda bolǵan asa iri tabıǵat apattarynyń saldarynan qańtar aıynan bastap eldiń óńtústik óńirlerinde kólik keptelisteri paıda boldy. Sozylmaly aıazdar temir jol men jedel jyldamdyq magıstraldarynda qalypty qozǵalysqa kedergi jasady.
QHR Qoǵamdyq qaýipsizdik mınıstriligi sýyq aýa raıynyń saldarynan týyndaǵan problemalardy sheshýge qatysty qoldan kelgen barlyq sharalardy jasaý týraly jergilikti basqarýshy bılik ókilderine talap qoıdy.
