Qytaıdyń 50 fabrıkasy tanymal tuzdyqtardyń atymen ý shyǵarǵan
ASTANA. QazAqparat - Qytaıdyń Tıantszın qalasynyń aýmaǵynda on jyldam astam ýaqyt Nestle, Knorr jáne Lee Kum Kee tanymal brendteriniń atyn jamylyp, ýly soýstar shyǵarǵan 50 zaýyttyń jelisi áshkerelendi. Jasandy ónimderdi óndirý barysynda baýyr men búırekke qaýipti óndiristik tuz ben qubyr sýy qoldanylǵan, dep habarlaıdy Beijing News.
Jasandy tuzdyqtar shyǵaratyn fabrıkanyń barlyq quqyq buzýshylyq faktilerin anyqtaý úshin kóptegen jyl ýaqyt ketken. Adam ómirine qaýip tóndiretin ónimderdiń sanıtarlyq talaptarǵa múldem saı kelmeıtin tozyǵy jetken eski tsehtarda jasalǵandyǵy anyqtaldy.
Sonymen birge zańsyz zaýyttyń jumysshylary kórshi zaýyttardyń óndirisinen qalǵan qaldyqtardy paıdalanǵan. Jasandy soýstarda paıdalanýǵa tyıym salynǵan kantserogendi elementterdi qoldanǵan.
Jasandy soýstar Qytaıdyń barlyq aýmaǵyna taraǵan jáne jylyna 14 mıllıon dollar tabys ákelgen. Qazirgi tańda qaýipti ónimderdi óndirgeni úshin birneshe adam tutqyndaldy.
