Qytaıdyń 3 iri megapolısinde koronavırýstyń jańa tolqyny taralýda

BEIJІŃ. QazAqparat – SOVID-19 jańa tolqyny Qytaıdyń úsh iri megapolsinde - Gýanchjoý, Chýntsın jáne Beıjińde taraldy, dep habarlaıdy QazAqparat menshikti tilshisi.

QHR Densaýlyq saqtaý jáne gıgıena máseleleri jónindegi memlekettik komıtetiniń derekterine sáıkes, ótken táýlikte materıktik Qytaıda koronavırýsty 9 myńnan astam adam juqtyrǵan, onyń ishinde Gýanchjoýda - 2,5 myńnan astam, Chýntsınde – 750–den astam, Beıjińde - olardyń sany 100-ge jetti.

Vedomstvonyń málimetinshe, onyń ishinde 85%-ynda aýrý belgileri joq (sımptomsyz). Sońǵy kúnderi Beıjińde koronavırýs ınfektsııasy ósip jatyr. Qytaı astanasynda ınfektsııa qaýpi joǵary (joǵary nemese ortasha) 200-ge jýyq turǵyn aımaǵy bar. Sońǵy aptada koronavırýs Qytaıdyń barlyq aımaǵynda taralyp jatyr.

Osy jyldyń tamyz aıynan bastap QHR Shyńjań-Uıǵyr avtonomııalyq aýdanynda kúrdeli epıdemıologııalyq jaǵdaı baıqalýda. Shyńjańda ótken táýlikte COVID-19 ınfektsııasynyń 700-ge jýyq jergilikti jaǵdaıy anyqtaldy, onyń basym kópshiligi Úrimshi qalasyna tıesili.

Foto: netpress.com.mk