Qytaıdy taǵy da qumdy daýyl basty

BEIJІŃ. QazAqparat – Soltústik-Batys jáne Soltústik-Shyǵys Qytaıdy jeksenbige qaraǵan túni qumdy daýyl basyp qaldy. Bul týraly Qytaıdyń Ortalyq meteorologııalyq qyzmeti málim etti, dep habarlaıdy QazAqparat tilshisi.

Meteorologtardyń boljamynsha, qumdy daýyl jeksenbi kúni keshke deıin sozylady.

Qytaıdyń Ortalyq meteorologııalyq qyzmeti qumdy daýylǵa baılanysty qaýiptiń sary deńgeıin jarııalady. Qum men shańnyń negizgi bóligi Qytaıdan 29-30 naýryz aralyǵynda eldiń soltústik-shyǵys aımaǵy arqyly ketedi dep kútilýde.

Beıjiń bıligi jeksenbide qumdy daýylǵa baılanysty qaýipsizdik sharalaryn kúsheıtetinin jarııa etti. Aldaǵy ýaqytta Qytaı astanasynyń turǵyndary kóshede júrý ýaqytyn azaıtý kerek. Qalanyń kóptegen aýdandaryndaǵy joldardyń kórinýi bir shaqyrymǵa jetpeıdi.

Avtor: Rýslan Súleımenov