Qytaıdy baǵyndyrǵan qazaq qyzdary Eýropaǵa attandy

qatysýǵa attanyp ketti. Bul týraly «Namys» saıty Qytaıdyń resmı aqparat quraldaryna silteme jasaı otyryp habarlady.

Esterińizge sala keteıik, osy jyldyń sáýir aıynda qytaıdaǵy qandastarymyzdyń abyroıyn asqaqtatqan erekshe oqıǵa boldy. Joǵaryda atalǵan Geteborg kýbogy úshin saıysqa qatysatyn komandany anyqtaý maqsatynda,  kúlli Qytaı eli irikteý jarysyn ótkizgen bolatyn. Osy irikteý kezinde aýdan, aımaq, oblystar arasynan úzdik shyqqan qazaq qyzdary Shyńjań ólkesi atynan Beıjińdegi jarysqa joldama aldy. Aqtyq irikteýde  ólkeler men qalalardan kelgen 20 komanda ózara saıysqa tústi. Abyroı bolǵanda barlyq kezeńderinde óz qaqpalaryna gol jibermegen qazaq qyzdar komandasy aqtyq synda búkil Qytaı boıynsha Bas júldeni jeńip aldy.

«Muny mıllıardtyń tolqynyna kómilip bara jatqan az qazaqtyń qaıta serpilgen, silke bas kótergen qaısar rýhy dersiń! Tipti olar qarsylastaryn teń nemese azdaǵan basymdylyqpen emes, oısyrata jeńdi. Bet qaratpady. Ekinshi aınalymda Hýnan ólkesinen kelgen «Hýnan»  komandasyn 10:0 esebimen utsa, sońǵy sheshýshi kezdesýde «Ýınan» ólkesi komandasynyń qaqpasyna qatarynan 18 gol soqty», - dep jazady saıt.

Shyńjańdaǵy búkil qazaqtyń bedelin ósirip, bórkin aspanǵa attyrǵan bul komanda jattyqtyrýshylary da qazaqtyń jigitteri eken. Komanda 2008 jyly qurylǵan. Komandalary Shvetsııada bolatyn úlken básekede búkil Qytaı eliniń atynan shyǵyp, aspan asty eliniń namysyn qorǵaıtyn bolǵan soń, memleket bul jattyqtyrýshylarǵa da kóńil bólip, komandanyń jattyǵýyn partııa basshylyǵy óz qaraýyna alypty. Jaǵdaıyn jasapty. 12 shilde kúni komandany attandyrý rásiminde jergilikti orynnyń partııa jaýaptysy Ýań Lı: «Barlyq daıyndyq istelip boldy, jattyqtyrýdyń búkil sharasyn jasadyq, komanda qazir saqadaı saı, bular halyqtyń úmitin aqtaıdy dep senemin» -dep aǵynan jarylǵan.