Qytaıdan jetkizilgen qaýipti oıynshyqtar anyqtaldy
QR Densaýlyq saqtaý mınıstrliginiń Qoǵamdyq densaýlyqty qorǵaý komıteti taratqan málimetke sáıkes, oıynshyqtardyń quramynan normadan eki ese kóp atseton men ızobýtıl spırti tabylǵan.
Naryqqa balalardyń densaýlyǵyna qaýipti ári sapasyz balalar oıynshyqtardyń túsý sebebi jetkizýshilerdiń óz mindettemelerin oryndamaýy bolyp otyr.
«Qytaıda shyǵarylǵan oıynshyqtarda qajetti sertıfıkat qujattar men ruqsattary, sáıkesinshe tańbalaýy bola bermeıdi. QR Densaýlyq saqtaý mınıstrliginiń Qoǵamdyq densaýlyqty qorǵaý komıteti ata-analardan oıynshyq satyp alý barysynda tańbalanýyna, shyǵarýshy týraly aqparatqa, taýardyń tutynýshylyq sıpattamasyna, ónim shyǵarylǵan materıal quramyna jáne atalǵan oıynshyqtyń qandaı jastaǵy balalarǵa arnalǵanyna nazar aýdarýdy suraıdy»,- delingen komıtet aqparatynda.
Sonymen qatar, oıynshyqtardy satyp alý barysynda, ıisine, óńdelmegen ótkir qyrlarynyń bolýyna jáne ózge de kemshilikterine nazar aýdarǵan jón. Al jumsaq oıynshyqtardyń tigindileri men usaq-túıek beriktigin tekserý qajet.
Jalpy, kez kelgen tutynýshy satýshydan kez kelgen taýar túriniń qaýipsizdigin dáleldeıtin sertıfıkatyn suraýǵa quqyly.