Qytaıdan jetkizilgen 134 mln teńgeniń kontrabandalyq taýary anyqtaldy
«Josyqsyz jetkizýshiler QHR-dan Qyrǵyz Respýblıkasy arqyly Qazaqstanǵa taýarlar aǵynynyń jańa shemalaryn jasady. Bul elimizdiń memlekettik kiris organdary tarapynan Qytaı shekarasyndaǵy ımporttyń kóleńkeli aınalymyn baqylaýdy kúsheıtýimen baılanysty», - deıdi Memlekettik kirister komıteti tóraǵasynyń orynbasary Jaıdar Іńkárbaev.
Taýar jetkizýshiler qarjy-sharýashylyq qyzmetine qatysy joq jalǵan tulǵaǵa kásiporyndy rásimdegen. Tirkeýdi jaramsyz dep taný týraly sotqa talap-aryz berildi, syrtqy ekonomıkalyq qyzmettiń 4 qatysýshysyna qatysty tirkeýdi (qaıta tirkeýdi) jaramsyz dep taný týraly sheshim qabyldandy.
Budan basqa, jazyp berilgen elektrondyq shot-faktýralardy taldaý barysynda jospardan tys salyqtyq tekserýler taǵaıyndalǵan salyq tóleýden jaltarý shemalary áshkere boldy.
Jalpy, 2019 jyldyń aqpanynan naýryz aıyna deıin QHR-dan QR arqyly tranzıtpen Qyrǵyz Respýblıkasyna Qytaıdan shyqqan kókónister men jemister tasymaldandy, olar bir táýlikten az ýaqyt ishinde QR-ǵa tómendetilgen baǵamen keri eksporttaldy.
«Mundaı iske eshqandaı qatysy joq salyq tóleýshiniń atyna 134 mıllıon teńgege jýyq somaǵa taýar ákelingen. Osyndaı 17 fakti anyqtaldy. 2019 jyldyń 6 maýsymynda Memlekettik kirister organdary Іshki ister organdarymen jáne Almaty oblysy boıynsha ekonomıkalyq tergeý departamentimen birlesip, atalǵan taýarlardy tasymaldaǵan kólik quraldaryn ustady. Tekserý sharalary júrgizilýde», - dedi J. Іńkárbaev.
Sondaı-aq, ákimshilik jáne qylmystyq ister qozǵalǵan aktsızdeletin ónimderdi zańsyz ótkizýge qatysty kemshilikter anyqtaldy.
Sonymen birge, taýardy esepke alý jáne satý boıynsha operatsııalardy kórsetpeý, shot-faktýra jazyp berý tártibin buzý, kassalyq-baqylaý mashınalaryn paıdalaný tártibin buzý - bıznes júrgizýde jıi kezdestin zańbuzýshylyqtar.
Komıteti basshysy orynbasarynyń sózinshe, bul baǵyttaǵy jumys turaqty negizde júrgiziledi.
