Qytaıdan jetken jańalyq munaı baǵasyna áser etti
ASTANA. Qańtardyń 21-i. QazAqparat - Qytaıda nesıe-aqsha saıasatynyń qataıtylyp, sonyń nátıjesinde otynǵa degen álemdik suranystyń tómendeý yqtımaldyǵyna qatysty týyndaǵan alańdaýshylyq munaı baǵasyna áser etti.
Sársenbi kúni Nıý-Iork bırjasynda munaı baǵasy 77,1 dollar/barrelge deıin tómendedi, dep habarlaıdy «RIA «Novostı» agenttigi.
Saǵat 18.27-de Nıý-Iorkta elektrondyq saýda-sattyq barysynda aqpan aıynda jetkiziletin munaıdyń baǵasy 1,92 dollarǵa nemese 2,4 paıyzǵa arzandap, 77,1 dollar/barrelge deıin tómendedi. Saǵat 18.38-de London bırjasynda Brent markaly munaıdyń baǵasy 1,75 dollarǵa nemese 2,3 paıyzǵa arzandap, 75,32 dollar/barrelge kemidi.
Al seısenbi kúni Nıý-Iork bırjasynda Light Sweet Crude Oil markaly munaıdyń aqpan aıyndaǵy fıýchersteri 79,02 dollar/barrel deńgeıde jabylyp, baǵa 1,02 dollarǵa ósken bolatyn.
Sońǵy jyldary Qytaıda otynǵa degen suranys munaı baǵasyn 2008 jyldyń jaz aıynda tirkelgen eń joǵary kórsetkishke - 147 dollar/barrelge jetkizgen birden-bir faktor bolyp keldi. Sondyqtan da, Qytaıdyń aqsha-nesıe saıasatyndaǵy ózgerister eldegi otyrǵan degen suranysqa teris áser etýi yqtımal, deıdi sarapshylar.
