Qytaıdan shyǵyp Polshaǵa baratyn ekspedıtsııa Qazaqstannyń kıeli jerlerimen ótedi
«Jańa Uly Jibek joly» halyqaralyq ekspedıtsııasy QR Mádenıet jáne sport mınıstrliginiń qoldaýymen júzege asyrylmaq. Ekspedıtsııanyń jetekshisi - álemge áıgili jıhangez ıAtsek Palkevıch. ıAtsek Palkevıchtiń Gobı jáne Sahara shólderin kesip ótken ondaǵan aýyr ekspedıtsııalardy artta tastap, Namıbııadaǵy Súıek jaǵalaýy jáne uly Amazonka ózeniniń naqty bastaýyn anyqtaǵan ǵalym ekenin aıta ketý kerek.
Osy ekspedıtsııa barysynda ol Qytaı, Qyrǵyzstan, Ózbekstan, Qazaqstan jáne Reseı, Belarýs pen Polsha arqyly 10 myń shaqyrym qashyqtyqty júrip ótýdi kózdep otyr. Alǵa qoıǵan maqsaty - Uly Jibek jolynyń mártebesin qaıtarý, jandandyrý jáne Azııa men Eýropa arasyndaǵy saýda kerýenderi arqyly qatynasqan elderdiń mádenı baılanysyn nyǵaıtý.
«Qazirgi ýaqytta Qazaqstanda kıeli eskertkishterdi saqtaý baǵytynda baǵdarlamanyń iske asyp jatqany meni tańdandyrdy. Bul jaıly men ekspedıtsııa seriktesteri - Qazaq ǵylymı-zertteý mádenıet ınstıtýtynan bildim. Bizdiń ekspedıtsııamyzdyń baǵyty osy joldar arqyly ótedi, sebebi tek sol jolserikterimiz ǵana Uly Jibek jolynyń tarıhynan syr sherte alady. Bizge sol dáýirdiń rýhyn syılaı alady. «Qazaqstannyń qasıetti geografııasy» búkil álem týrısteri úshin úlken múmkindikke aınalatynyna senimdimin» - deıdi ıAtsek Palkevıch.
«Kazakh Tourism» Ulttyq kompanııasy» AQ basqarma tóraǵasynyń orynbasary Tımýr Dúısenǵalıevtyń aıtýynsha, Qazaqstanda týrızm salasyn damytý úshin ıAtsek Palkevıch sekildi álem halqy qulaq asatyn jıhangezdi shaqyrýdyń mańyzy zor. Sebebi, álemge áıgili jıhangez Ońtústik Amerıkadaǵy Amazonka ózeniniń bastalatyn qaınar kózin birinshi bolyp tapqan adam eken.
«EKSPO arqyly búkil álemniń Qazaqstanǵa degen qyzyǵýshylyǵy arta tústi. Endigi kezekte biz Qazaqstan tek qana ónerkásiptik salada ǵana emes, týrızm salasynda ozyq el ekenin tanytý josparlanǵan. ıAtsek Palkevıch bastaǵan ekspedıtsııa 10 myń shaqyrymdy baǵyndyrady. Kúni keshe ǵana biz ekspedıtsııanyń aldyn ala josparly jolynyń jobasyn jasadyq. Bizdiń jospar boıynsha ekspedıtsııalyq top Qytaıdan Qazaqstanǵa Qorǵas óńirinen kirip, odan beri Esik, Tamǵaly tastary eskertkishteri turǵan jerden Qyrǵyzstannyń Bishkek qalasyna barady, Ol jaqtan Ózbekstanǵa jol tartyp, tarıhı Buqara, Samara, Hıýa qalalaryn kesip ótedi. Ózbek jeri arqyly Ońtústik Qazaqstannyń Otyrar, Samarqan eski shaharlary arqyly Balqash óńirine kelip, ol jerde Astanaǵa jolǵa shyǵady. Elordadan Býrabaı men Qostanaı arqyly Reseıdiń Chelıabınsk qalasyna attanady. Biz ekspedıtsııa arqyly barlyq eskertkishterimizdi kórsetkimiz keledi», - deıdi Tımýr Dúısenǵalıev.
Qazir halyqaralyq ekspedıtsııanyń quramynda qazaqstandyq taraptan qandaı ókilder enetini anyqtalyp jatyr.
