Qytaıdan kelgen kontrabandashy Qyrǵyzstannan 18 altyn kesegin alyp shyqpaq bolǵan
ASTANA. 11 naýryz. QazAqparat - Qytaı eliniń azamaty kontrabandalyq jolmen Qyrǵyzstannan altynnyń 18 kesegin alyp shyqpaqshy bolǵan.
Bul týraly respýblıka Kedendik qyzmetiniń baspasóz hatshysy Abdylda Maldybaev málim etken, dep habarlaıdy ýtro. rý.
Maldybaevtyń bergen málimetine qaraǵanda, qytaılyq azamat 6 naýryzda Bishkek-Úrimshi baǵyty boıynsha halyqaralyq «Manas» áýejaıynan ushqan. Azamatty tekserý barysynda onyń júk sómkesinen ártúrli pishindegi altynnyń 16 kesegi tabylǵan. Sondaı-aq, syrt kıimniń qaltasynan taǵy da 2 altyn quımasy tabyldy. Altynnyń jalpy salmaǵy 520 gramm. Kontrabanda faktisi boıynsha qylmystyq is qozǵaldy.
