Qytaıdan kelgen qandastarymyz «Er Jánibek kýbogi» básekesiniń bas júldesin jeńip aldy (FOTO)
ASTANA. QazAqparat - 21-22 mamyr kúnderi Almaty qalasynda Qazaqstan Respýblıkasy Táýelsizdiginiń 25 jyldyǵy, Zýqa batyr Cábıtulynyń 150 jyldyǵyna arnalǵan «Er Jánibek kýbogi» úshin shaǵyn fýtboldan halyqaralyq týrnır ótti.
Fýtzal jarysyna Frantsııa, Túrkııa, Reseı, Qytaı, Mońǵolııa, Ózbekstan, Qyrǵyzstan elderinde turatyn qazaq jastarynan quralǵan komandalar, sondaı-aq, Almaty, Astana qalalarynan, elimizdiń 5 oblysynan jasaqtalǵan fýtbol komandalary baq synady. Týrnırde jalpy sany 21 komanda óner kórsetti.
Bul saıysqa Qytaıdaǵy qandastarymyzdan bes komanda keldi. Olardyń biri - «Muztaý» komandasy bas júldeni enshilep qaıtty.
Ekinshi oryndy almatylyq «Birlik kerýen» komandasy ıelendi. Al úzdik úshtikti Reseıden kelgen qandastarymyzdyń «Namys» komandasy jeńip aldy.
Esterińizge sala keteıik, jarys «Er Jánibek» halyqaralyq qoǵamdyq qorynyń uıymdastyrýymen ótti. Shaǵyn fýtboldan ótken halyqaralyq týrnırdiń basty maqsaty - el táýelsizdiginiń 25 jyldyq mereıtoıyn halyqaralyq deńgeıde atap ótý, qazaq jastaryn rýhty bolýǵa, otansúıgishtikke, sportqa baýlý.
Kúnsultan Otarbaı
