Qytaıdan kelgen áıgili balýan Qalı Muqataıuly qaıtys boldy

ASTANA. QazAqparat- Qytaı chempıonatynda 8 márte bas júlde qanjyǵalaǵan qandasymyz, belgili balýan Qalı Muqataıuly 63 jasynda Jetisý oblysy Aqsý aýdanynyń Jansúgirov aýylynda dúnıeden ozdy, dep habarlaıdy QazAqparat.

Balýan Sholaq pen Qajymuqandaı arystardyń jalǵasy, qaı zamanda da álemdik básekelerde el namysyn qorǵaıtyn batyr uldardan kende bolǵan emes. Sonyń biri - Qytaıdaǵy qazaqqa ǵana emes, mıllıardtar eline keńinen tanys, kezindegi alaman jarystyń báıge bermes arystany atanǵan Qalı Muqataıuly.

Qalı Muqataıuly 1959 jyly QHR Shyńjań ólkesi Tarbaǵataı aımaǵynyń Dórbiljin aýdanynda týǵan.

1979 jyldan bastap memlekettik jarystarǵa dúrkin-dúrkin túsip, bıik tuǵyrlardan kóringen. Ol Qytaı chempıonatynda erkin kúres túrinen orta salmaqta segiz márte bas júlde, úsh márte qola medal qanjyǵalap, ultynyń mereıin ósirgen azamat.

Sondaı-aq Qalı Muqataıuly 1980-1983 jyldary Iran, Pákistan, Rýmynııa, ıÝgoslavııa, Kanada, Úndistan, Japonııa, Túrkııa elderinde ótken halyqaralyq jarystarda beldesip, úlken alamandarda talaı márte top jarǵan.

Ol ShUAR balýandar komandasynda aǵa jattyqtyrýshy, birinshi dárejeli memlekettik júldeger jáne tóreshi degen ataq-marapattardyń ıegeri bolǵan.