Qytaıdan kelgen aqtóbelikter arasynan koronavırýs anyqtalmady
AQTÓBE. QazAqparat – Aqtóbelikter Qytaıda bilip alyp júrgen balalary úshin alańdap otyr. Qala ákimi Mavr Abdýllınniń esep berý kezdesýinde koronavırýstyń anyqtalmaǵanyn aıtty, dep habarlaıdy QazAqparat tilshisi.
Aqtóbe oblystyq taýarlar men qyzmetterdiń sapasy men qaýipsizdigin baqylaý departamenti basshysynyń orynbasary Sábıt Eskendirovtiń aıtýynsha, Aqtóbe dárihanalarynda 90 myńǵa jýyq, al qoımada 76 myńnan astam medıtsınalyq betperde bar. Óńir taǵy 101 myń betperdegi tapsyrys berip qoıǵan.
¤«6 qańtardan beri Qytaıdan Aqtóbege 571 adam kelgen. Olardyń altaýynda qyzýy kóterilip, dárigerge júgindi. Saraptama qorytyndysyna saı olardan juqpaly dert anyqtalǵan joq. Óńirde osy jaǵdaıǵa baılanysty arnaıy shtab qurylǵany belgili. Aldyn alý sharasy jan-jaqty júrip jatyr», - dedi oblystyq densaýlyq saqtaý basqarmasynyń basshysy Áset Qalıev.
Eske salsaq, Aqtóbe oblysy boıynsha koronavırýstyń aldyn alý jumystary halyqaralyq áýejaıda ótkeni týraly buǵan deıin habarlaǵan bolatynbyz.
