Qytaıdan kelgen 25 adam aýrýhanadan shyǵaryldy

NUR-SULTAN. QazAqparat - Qazaqstannyń bas ınfektsıonısi Dınagúl Baeshova 6 qańtardan keıin Qytaıdan Qazaqstanǵa kelgen azamattardy baqylaý jumystaryn baıandady, dep habarlaıdy QazAqparat.

«Ulttyq saraptama ortalyǵy vırýsty, sonyń ishinde koronavırýsty tasymaldaýshy dep kúdiktelgen adamdarǵa zerthanalyq zertteý júrgizýde. Bul jumysqa oblys ortalyqtarynyń jáne respýblıkalyq mańyzy bar qalalardyń barlyq vırýsologııalyq zerthanalary tartylǵan. Munda qyzýy kóterilgen barlyq turǵyndar jóninde emes, 6 qańtardan bastap Qytaıdan kelgender týraly aıtyp jatyrmyz», - dedi dáriger Qazmedıa ortalyǵynda ótken brıfıngide.

31 qańtardaǵy jaǵdaı boıynsha, Qytaıdan kelgen 66 turǵyn dene qyzýymen jáne JRVI shaǵymymen oqshaýlanyp, aýrýhanalarǵa jatqyzyldy.

«Ázirge 25 adam statsıonardan shyǵaryldy, 41 adam aýrýhanada qaldy. Barlyq baqylaýdaǵy aýrýhanalardan alynǵan synamalardy qosymsha zertteý úshin Almatydaǵy Áıtimbaev atyndaǵy asa qaýipti ınfektsııalar ulttyq ǵylymı ortalyǵyna jiberip jatyrmyz. Bul ortalyq jańa koronavırýsty dıagnostıkalaıtyn Polımerazdy tizbekti reaktsııa ádistemesin meńgergen», - dedi D. Baesheva.