Qytaıdan Qazaqstanǵa júk ótkizý kólemi úsh esege artty

ASTANA. QazAqparat – Qarjy mınıstrligi Premer-Mınıstrdiń Qytaımen aradaǵy shekaranyń ótkizý qabiletin arttyrý jónindegi tapsyrmalaryn oryndaý maqsatynda birqatar sharany júzege asyrýda, dep habarlaıdy QazAqparat QR Qarjy mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, 13 naýryzda Premer-Mınıstr A.Smaıylovtyń basshylyǵymen Qytaımen shekaradaǵy ótkizý pýnktteriniń qabiletin arttyrý týraly keńes ótti.

Memlekettik kirister komıteti, Shekara qyzmeti «Atameken» QR UKP jáne basqa da memlekettik organdarmen birlesip «Nur Joly» ótkizý pýnktinde eksporttyq-ımporttyq operatsııalardy ulǵaıtý boıynsha sharalar keshenin júzege asyrdy.

Ótkizý pýnktiniń jumys ýaqyty ulǵaıtyldy, Qazaqstannyń tasymaldaýshylary men júrgizýshilerine vızalyq qoldaý kórsetiledi, elektrondyq kezek júıesiniń fýnktsıonaly jaqsarady. Óńir ákimdigi men jergilikti quqyq qorǵaý organdary quqyqtyq tártipti qamtamasyz etý boıynsha qoldaý kórsetedi.

«Atameken» QR UKP tasymaldaýshylarmen jáne syrtqy ekonomıkalyq qyzmetke qatysýshylarmen QHR-ǵa kirý úshin barlyq zańnamalyq talaptardy saqtaý qajettiligi týraly túsindirý jumystaryn júrgizedi.

14-17 naýryz aralyǵynda júrgizilgen jumystardyń nátıjesinde Qytaıdan Qazaqstanǵa júkterdi ótkizý kólemi úsh esege ósip, táýligine 500-den astam mashınany qurady. Qazaqstannan Qytaıǵa shyǵý eki esege artyp, táýligine orta eseppen 200 kólik quralyna jetti.

«Qytaımen shekaradaǵy ótkizý pýnktteriniń taýar aınalymy men ótkizý qabiletin arttyrý jónindegi jumys aldaǵy ýaqtt ada jalǵasatyn bolady»,-delingen habarlamada.