Qytaıdan Eýropaǵa baǵyttalǵan poıyzdardyń 80 paıyzy Qazaqstan arqyly ótedi
BEIJІŃ. QazAqparat - 2016 jyly «Alashankoý-Dostyq» baqylaý-ótkizý beketi arqyly QHR-dan Ortylyq Azııa men Eýropaǵa baǵyttalǵan temir jol quramdary rekordtyq kórsetkishke jetti, dep habarlaıdy QazAqparat qytaılyq BAQ-qa silteme jasaı otyryp.
Qytaılyq Alashankoý beketi ákimshiliginiń málimetinshe, 2016 jyly atalǵan ótkelden Ortalyq Azııa men Eýropaǵa baǵyt alǵan 1 200-den astam júk quramdary júrdi. Osy arqyly 2011 jyldan bastap bıyldyń mamyr aıynyń sońyna deıin beket arqyly ótken taýarlyq quramdardyń sany 3 000 asty.
2017 jyldyń tórt aıynda keri baǵytta, ıaǵnı Qytaıǵa 162 temir jol júk quramy jetip, 3 mlrd ıýan (440 mln dollar) somasynda 43 myń tonna júk tasymaldandy.
Taýarlyq quramdar Qytaıǵa qurǵaq sút, balalar taǵamy, ІT-tehnologııa, kólik bólshekteri, sondaı-aq ınjenerlik jáne medıtsınalyq jabdyqtardy jetkizdi.
Belgili bolǵandaı, QHR tarapy «Qytaı-Eýropa» temir jol júk tasymalynyń 51 baǵdaryn iske qosty, olar QHR-dyń 28 qalasyn eýropalyq 11 eldiń 29 shaharymen baılanystyrady. «Bir beldeý, bir jol» bastamasynyń negizgi bóligi retinde tikeleı týarlyq quramdar Qytaı men Eýropa arasyndaǵy saýda baılanystaryn aıtarlyqtaı nyǵaıtty.
Qytaıdaǵy «QazAqparat» HAA-nyń menshikti tilshisine bergen suhbatynda «Chendý» qurǵaq portynyń basshysy Chen Chjenveı Qytaıdan Eýropaǵa baǵyt alǵan poıyzdardyń 80 paıyzy Shyńjań-Uıǵyr avtonomııalyq ólkesi men Qazaqstan arqyly júretindigin atap aıtty.
Budan buryn 2017 jyldyń shildesine deıin Sychýan ońtústik-batys provıntsııasynyń Chendý qalasyndaǵy «Tsınbaıtszıan» temir jol portynan «Qytaı-Qazaqstan-Reseı» jáne «Qytaı-Qazaqstan-Ózbekstan-Túrkmenstan-Iran-Túrkııa» baǵyttarynda alǵashqy júk quramdary jóneltiletini aıtylǵan edi.
