Qytaıdan Almatyǵa kelgender dárigerlerdiń baqylaýynda
ALMATY. QazAqparat – Qytaıdan Almatyǵa kelgen adamdar dárigerlerdiń baqylaýynda, dep habarlaıdy QazAqparat tilshisi.
Qytaı men Qazaqstan arasynda áýe reısterin tórt kompanııa júzege asyrady. Almatyǵa aptasyna 20 reıs oryndalady. Keshe Qytaıdan megopolıske 300 jolaýshy keldi.
«Elge kelgen barlyq jolaýshyny termometrııa jáne teplovızor qurylǵysy arqyly tekserýden ótkizedi. Olardy baqylaý áýede bastalady. Borttaǵy ár jolaýshy bortseriktiń jiti nazarynda bolady. Eger naýqasta kataraldy nemese ishek ınfektsııalaryna kúdik týsa, aqparat dereý jerge habarlanady. Ushaq áýejaıǵa kelgende bizdiń mamandar qarsy alady. Almaty áýejaıynda eki arnaıy bólme bar», – deıdi Aızat Moldaǵasımova.
Tirkeý qyzmetiniń málimeti boıynsha, qalada 2222 qytaı azamaty medıtsınalyq kómek alýǵa taǵaıyndalǵan. Olardyń vızasy bar jáne osynda turady.
«Joǵaryda atalǵan Qytaı azamattary qaladaǵy emhanalarǵa bekitilgen. Olardyń 18-nen kataraldy qubylystar baıqalady, jaǵdaılary qanaǵattanarlyq. Eshqaısynda koronavırýs anyqtalǵan joq. Sonymen qatar, Qytaıdyń ártúrli provıntsııasynda oqıtyn 17 stýdent keldi. Olardyń jaǵdaıy qanaǵattanarlyq», – dep qosty ol.
